रौतहट३१, साउन ०७५/ अख्तियार दुरुपयोग अनुसन्धान आयोगको टोलीले रौतहटस्थित नापी कार्यालयका अधिकृत धीरेन्द्रकुमार लाललाई १५ हजार रुपैयाँ घुस रकमसहित पक्राउ गरेको छ ।
गौर नगरपालिका–८, सरुअठा निवासी रामगणेश ठाकुरको कित्ताकाट गर्नेक्रममा नापी अधिकृत लालले घुस रकम लिँदैगर्दा आयोगको टोलीले रंगेहात पक्राउ गरेको हो ।
आयोगले बिहीबार उनलाई आफ्नो नियन्त्रणमा लिएको जनाएको छ ।आयोगको टोलीले बुधबारमात्रै सदरमुकाम गौरमा रहेको जुद्ध माध्यमिक विद्यायालका शिक्षक प्रमोद ठाकुरलाई ४५ हजार घुस रकमसहित पक्राउ गरेको थियो ।
प्रतिक्रिया दिनुहोस्
