काठमाण्डाै०६साउन०७५/ ब्राजिलियन स्टार नेइमारले आफू यो सिजन फ्रेन्च लिग वान क्लब पेरिस सेन्ट–जर्मेन (पिएसजी) मै रहने स्पष्ट पारेका छन्।इएसपिएन ब्राजिलका अनुसार नेइमार पिएसजीमै बसेर धेरै उपाधि जित्न चाहेकाले उनी अन्त कतै नजाने भएका हुन्।
स्पेनिस क्लब रियल मड्रिडले नेइमारलाई ठूलो रकम तिर्न तयार रहेको खबर आइरहेको बेला नेइमारले आफू पिएसजीमै रहने स्पष्ट पारेका हुन्।उनी अघिल्लो सिजन कीर्तिमानी मूल्यमा बार्सिलोनाबाट पिएसजी गएका थिए।
नेइमारले आफू लिग वान च्याम्पियन पिएसजीबाटै अरु धेरै ट्रफी जित्न चाहेको इएसपिएनलाई दिएको अन्तर्वर्तामा भनेका छन्।आफू रियल मड्रिड जान चाहेको वा रियल मड्रिडले त्यसका लागि प्रस्ताव गरेको भन्ने सबै खबर नियोजित र हल्ला मात्र भएको उनले दाबी गरेका छन्।यसअघि स्पेनिस क्लबले पनि रियल मड्रिडले नेइमारका लागि आफूले ठूलो रकम प्रस्ताव गरेको भन्ने खबरमा कुनै सत्यता नरहेको दाबी गरेका छन्।
यस्तै नेइमारले रसिया विश्वकपमा ब्राजिलको प्रदर्शनलाई लिएर आफू दुःखी भएको बताएका छन्।ब्राजिल अन्तिम ८ मा बेल्जियमसँग पराजित भएर घर फर्किएको थियो। उनले ब्राजिल विश्वकपबाट बाहिरिनु आफ्नो लागि दुखको कुरा भएको बताए। ‘सायद मेरो जीवनकै सबैभन्दा खराब क्षण यो विश्वकप रह्यो,’ उनले भने।
उनले अब पछि विगतलाई फर्किएर हेर्ने भन्दा अघि बढ्ने र त्यसका लागि ध्यान केन्द्रित गर्ने समय आएको बताए।‘मेरा लागि त्यो निकै कठिन क्षण थियो, अब यो समय बितिसक्यो, अब पालो अगाडिको हो।’
