मिलन चाम्लिङ,धरान०५साउन०७५/ धरान नगर प्रमुख तारा सुब्बाको पार्थिव शरीर आज लिम्बु संस्कार अनुसार धरान १८ स्थित हरियाली सामुदायिक बन उपभोक्ता समुहद्दारा संरक्षित बन क्षेत्रमा अन्त्येष्टि गरिएको छ ।
सुब्बाको गत १ गते मंगलबार काठमाडौ स्थित ग्रान्डी इन्टरनेशनल हस्पिटलमा उपचार क्रममा असामयिक निधन भएको थिए । सुब्बालाई मंगलबार नै हेलिकप्टरबाट धरान ल्याए पनि सुब्बाको दाइ, दिदी लगायत आफन्त बेलायतबाट आउन समय लागेको हुनाले शनिबार अन्त्येष्टि गरेको हो ।सुब्बालाई श्रद्धाञ्जलीको लागि बिहान नगर कार्यलयमा केही बेर राखेर सर्वसाधारणको लागि बिहान ११ : ४५ बजे देखि १ : ४५ बजेसम्म धरान १२ स्थित पब्लिक हाइ स्कुलको खेल मैदानमा राखिएको थियो ।
प्रतिक्रिया दिनुहोस्
