केही दिनअघिको कुरा हो, जब क्यानडामा मरिजुआना जसलाई आम बोलीचालीको भाषामा गाँजा पनि भनिन्छ, त्यसलाई कानुनी वैधता प्रदान गरियो । सका साथै अन्य कयौ देश छन् जहाँ गाँजा सेवनलाई वैध गर्ने विषयमा विचार गरिँदैछ ।
यसैबीच केही यस्ता समूह पनि चर्चामा आउन लागेका छन् जो गाँजा सेवन यौन उत्तेजना बढाउनका लागि गर्दछन् । यसप्रकारका मानिसलाई ‘केनसेक्सुअल’ भन्ने गरिन्छ । वास्तवमा यो शब्द अंग्रेजीको ‘कैनाबीस’ बाट बनेको हो । कैनाबीस भाङको विरुवालाई भन्ने गरिन्छ ।
गाँजा र सेक्सको सम्बन्ध
बीबीसीका पत्रकार अयमान अल–जुजी लेख्छन्, जब हामी यौन उत्तेजना बढाउने उत्पादनको खोजी गर्दछौ तब हामीले धेरै कुरा पाउँछौ । यसमा तेल, स्प्रेयर, भाङको सुगन्त भएको ममबत्तीजस्ता कुरा महत्वपूर्ण छन् । तर यही चिजका साथै गाँजाको विरुवा पनि देख्न सकिन्छ।
तर प्रश्न उठ्छ कि आखिर यो कुरामा कतिको वास्तविकता छ र गाँजा सेवनबाट सेक्समा कति असर पर्दछ । भारतमा पनि गाँजा निकै लोकप्रिय छ।
प्राचीनकालमा मिश्रबासी महिलाहरु गाँजालाई महमा भिजाएर प्रयोग गर्दथे । यसबाट थाहा हुन्छ कि गाँजा र सेक्सका बिच सम्बन्धको कुरा कुनै नयाँ होइन । प्राचीनकालबाट यसैको जिकिर हुँदै आएको छ।
वैधता पाउँदै गाँजा
‘कैनासेक्सुअल’ शब्दको सबैभन्दा पहिला प्रयोग क्यालिफोर्निया निवासी सेक्स सल्लाहकार एश्ले मान्टाले गरेका थिए । उनले सन् २०१३ मा यो विरुवाको सहयोगमा सेक्स थेरापी र यौन शिक्षाका बारेमा कुरा गर्न सुरु गरेका थिए ।
यद्यपि अमेरिकामा अहिले पनि गाँजा सेवन प्रतिबन्धित छ।तर अमेरिकाका केही राज्यले अब यसलाई आफ्नोमा वैधता प्रदान गर्न सुरु गरेका छन् । सबैभन्दा पहिला उरुग्वेले गाँजामाथिको प्रतिबन्ध हटाएको थियो । साथै बेलायतमा पनि गाँजालाई मेडिकल उपचारमा प्रयोग गर्ने विषयमा विचार गरिरहेको छ।
बेलायतको लुटोन सहर निवासी एडम र डोनिया (परिवर्तित नाम) विगत तीन वर्षदेखि उत्तेजनाका लागि गाँजा सेवन गरिरहेका छन् । डोनिया भन्छिन्–म धेरै सुन्दर छैन । तर जब म गाँजाको प्रयोग गर्दछु तब यसप्रकारको विचार मेरो मनमा आउँदैन । मेरो शरीर आरामको मुद्रामा जान्छ र मलाई राम्रो महशुस हुन्छ । यही कारण हो कि ममा आत्मविश्वास आउँछ ।
वैज्ञानिक शोध हुन बाँकी
एउटा अमेरिकी संस्थाका अनुसार गाँजाको प्रयोग यति बढेको छ कि अब यसको सप्लाई पनि मुश्किल बन्दै गएको छ। यद्यपि गाँजा सेवन र यौन आनन्दमाथि अहिलेसम्म कुनै वैज्ञानिक शोध उपलव्ध छैन । तर मानिसहरुबीच यसको चलन बढ्दो छ।
जबकि यसको उल्टो हामी यस्तो शोध अवश्य पढ्न पाउँछौ, जसमा बताइएको हुन्छ कि गाँजा सेवनबाट पुरुषको यौन शक्ति प्रभावित हुन्छ ।
यही एउटा अर्को सर्भेमा उल्लेख गरिएको छ, जुन मानिस दिनहुँ गाँजा सेवन गर्दछन् उनीहरुमा यौनसम्बन्धी समस्या दुई गुनाका दरले वृद्धि हुन्छ । बेलायतमा यौन स्वास्थ्य तथा एचआइभी संस्थाका सल्लाहकार मार्क लौटन भन्छन् कि मानिसहरुलाई यौन सम्पर्कका क्रममा मदिरा, ड्रग्स वा नशा सेवन गर्ने जस्ता कुराबाट टाढा राख्न जरुरी छ। बीबीसी हिन्दीबाट
