रमिला बस्नेत ,उदयपुर, बैशाख ५ / उदयपुर जेसिजले युवाहरुका लागि प्रभावकारी संचार सिप तथा भाषण कला संबन्धि एक दिने तालिम सम्पन्न गरेको छ ।
जेसिज उदयपुरले गाईघाट स्थित होटल हिमालयमा आयोजना गरेको तालिममा नेपाल जेसिजका राष्टिूय तालिम संयोजक राजाबाबु साहले सहभागीहरुलाई प्रभावकारी संचार सिपको बिषयमा जानकारी गराएका थिए । कार्यशालामा सहभागीहरुलाई भाषण कला, आत्मा विश्वास, व्यक्तित्व विकासको बिषयमा तालिम प्रदान गरिएको थियो । कार्यक्रममा जेसिजको बिषयमा युवाहरुमा भएको अन्यौलतालाई जेसिजका उपाध्यक्ष अमृत ढकाल, दुहवी जेसिजका मनिष रौनियारले प्रष्टाएका थिए ।
कार्यक्रममा सहभागी भएर आफुहरुले राम्रा ज्ञान हासिल गरेको र प्राप्त ज्ञान आगामी दिनमा आफुले व्यवहारिक रुपमा प्रयोग गर्दै अन्य युवाहरुमा माझमा समेत विस्तार गर्ने सहभागी रोशना कार्कीले बताईन् । कार्यक्रममा उदयपुर जेसिजका अध्यक्ष धु्र्ब पोख्रेलले जेसिज प्रति युवाहरुको चासो र उत्सुकता बढ्दै गएकाले यस किसिमको कार्यक्रम आगामी दिनमा पनि संचालन गर्ने बताए ।
पोख्रेलले आगामी बैशाख ८ गते हुने एरिया क को अध्यक्षहरुको भेला कार्यक्रम सफल पार्नका लागि सबै तहबाट लाग्नका लागि जेसिज सदस्यहरुलाई आग्रह गरेका थिए । कार्यक्रम जेसिजका कोषाध्यक्ष सन्तोष गुप्ताले कार्यक्रम संचालन गरेका थिए ।
