काठमाडौं ४फागुन०७४/ विश्वकप छनोटमा नेपाल तुलनात्मक रुपमा कठीन समूहमा परेको छ । बिहीबार डिभिजन टूको फाइनलमा यूएईसँग हारेसँगै नेपाल समूह बीमा परेको छ ।
यो समूहमा अफगानिस्तानसँगै जिम्बावे, स्कटल्याण्ड र हङकङ छ ।समूह एमा आयरल्याण्ड, नेदरल्याण्ड्स, पपुवा न्यूगिनी र यूएई परेका छन् ।
विश्वकप छनोट प्रतियोगिता अर्को महिना जिम्बावेमा हुनेछ । मार्च ४ देखि २५ सम्म हुने प्रतियोगिताबाट दुई टिमले विश्वकप २०१९ मा स्थान बनाउनेछ ।प्रतियोगितामा नेपालले पहिलो खेल आयोजक जिम्बोवेसँग मार्च ४ मा खेल्नु पर्नेछ । दोस्रो खेल मार्च ८ मा स्कटल्याण्डसँग हुनेछ भने मार्च १० मा अफगानिस्तान र १२ मा हङकङसँग खेल्नुपर्नेछ ।प्रत्येक समूहका शीर्ष तीन टोली सुपर सिक्समा प्रवेश गर्नेछन् ।
प्रतिक्रिया दिनुहोस्
