काठमाडौं १३पुस०७४/ पूर्वराजा ज्ञानेन्द्र शाह पश्चिमान्चल भ्रमणको लागि नेपालगंज पुगेका छन् । निर्बाचन पछिको माहोल तथा जनाबिचार बुझ्न देश भ्रमण गर्न लागेको यसको र सुरुवात नेपालगंजबाट भएको पूर्वराजा शाहको सचिवालयले जनाएको छ ।
पूर्व राजा शाहको पहिलो भ्रमण मध्यपश्चिम, त्यसपछि सुदूरपश्चिम अनि पूर्वाञ्चलको भ्रमण गर्ने तयारीमा छन् । पूर्वराजाले नेपालगंजमा रहँदा त्यहाँ निर्माण सम्पन्न भएको होटल सोल्टीको शाखाको उद्घाटन गर्ने कार्यक्रम छ ।
त्यसपछि देवी देवताको दर्शन र भेटघाटको कार्यक्रम राखिएको सचिवालयले बताएको छ । पूर्वराजा शाह उद्घ्घाटन गर्ने होटल सोल्टी काठमाडौको सोल्टी होटलको शाखा हो । ७० करोड रुपैयाँ भन्दा बढीको लागतमा निर्माण गरिएको सोल्टी होटलमा पूर्वराजा शाहकोसमेत शेयर लगानी रहेको छ ।
प्रतिक्रिया दिनुहोस्
