ललितपुर २९ कर्तिक०७४/ ललितपुर जिल्लालार्इ पुस भित्रमा फोहर मुक्त जिल्ला घोषणा गरिने भएको छ । मङ्गलबार ललितपुरमा आयोजित एक कार्यक्रममा जिल्लामा रहेका गाउँपालिका, नगरपालिका र महानगरपालिकालाइ मङ्सिर भित्र खुल्ला दिशामुक्त क्षेत्र घोषणा र पुसभित्र जिल्लालाई फोहोर मुक्त शहर घोषणा गर्ने जानकारी दिइएको हो ।
जिल्लामा तीन गाउँपालिका, दुई नगर पालिका र एक
महानगरपालिका रहेका छन् । कार्यक्रममा जिल्लामा सरसफाइको अवस्था, गाउँपालिकामा चर्पी निर्माणको अवस्थाबारे जानकारी दिइएको थियो । खुल्ला दिशामुक्त घोषणा गर्न धेरै वाँकी नरहेकोले मङ्सिरभित्रमा त्यो पूरा हुने खानेपानी तथा सरसफाइ डिभिजन कार्यलयका प्रमुख हरिदत्त पौडेलले जानकारी दिए । हामी जिल्लामा छिटो सरसफाइ कायम राख्न कोसिस गरिरहेका छौं, पौडेलले भने । गाउँपालिका, नगरपालिकामा चर्पी निर्माण र सरसफाइ गर्न सम्बन्धित निकायलार्इ निर्देशन दिइएको छ ।
कार्यक्रममा खुल्ला दिशा मुक्त गाउँ घोषणा गर्न प्रक्रिया पुगेको खोकना, ठुलादुर्लुङ र नगरपालिकाका केही वडालाइ अनुमती दिइएको खानेपानी तथा सरसफाइ डिभिजन कार्यलय ललितपुरका प्रमुख हरिदत्त पौडेलले जानकारी दिए ।
जिल्लाभर चर्पी निर्माणका लागि तीव्रता दिइए पनि सरसफाइमा शहरी क्षेत्रमा समस्या देखिएको पौडेलले बताए । २०६७ सालमा जिल्लामा तत्कालीन दलचोकी गाविसबाट सुरु गरिएको खुल्ला दिशामुक्त क्षेत्र घोषणा गर्ने काम भुकम्पका कारण रोकिएर ढिलाइ भएको हो ।
जिल्लाभर खानेपानीको अवस्था सुधार हुँदै गएपनि कतिपय गाउँमा अझै पनि पिउने पानी पुर्यार्उन समस्या भएकोमा त्यसको ब्यवस्थापन गर्न गाउँपालिका, नगरपालिका र महानगरपालिका सङ्ग समन्वय भइरहेको डिभिजन प्रमुख पौडेलले जानकारी दिए ।
जिल्लालाई फोहरमुक्त घोषणा गर्न त्यति सहज नभए पनि असम्भव नभएको उनले बताए । चुनौती धेरै छन्, हामी सङ्ग समय धेरै छैन तै पनि सबै सरोकारवाला निकाएले काम गरे सम्भब छ हामी पुसभित्र जिल्लालाई खुल्ला दिशा मुक्त र फोहरमुक्त शहर घोषणा गर्छौ’,पौडेलले भने ।
