काठमाण्डाै२६ कात्तिक २०७४/ प्रहरीले लागूऔषधसहित दुई जनालाई पक्राउ गरेको छ। गोरखा नगरपालिका–१३ मझुवा प्रहरी चौकीले गोरखा नगरपालिका–६ का १८ वर्षीय समिन जोशी र वडा नं.११ का १८ वर्षीय सुनिल गुरुङ शनिबार लागूऔषधसहित पक्राउ परेका हुन्। उनीहरुको साथबाट ३२ एमपुल डाइजेपाम, ३२ एमपुल नुफिन र ३२ एमपुल फिनारागन बरामद भएको डीएसपी भेषराज रिजालले जानकारी दिए । पक्राउ परेका जोशी र गुरुङलाई लागूऔषध नियन्त्रण ऐन २०२७ अन्तर्गत मुद्दा दर्ता गरी १० दिन म्याद थपेर आवश्यक अनुसन्धान गरिरहेको डीएसपी रिजालले बताए। प्रहरीले उनीहरूले प्रयोग गरेको बा ६३ प ७९८४ नम्बरको मोटरसाइकल पनि नियन्त्रणमा लिएको छ।
प्रतिक्रिया दिनुहोस्
