नगरकोट, ११ असोज ०७४/ दोस्रो काठमाडौँ उपत्यकाव्यापी खुला धिमे बाजा प्रतियोगिता २०७४ असोज १९ गते हुने भएको छ ।
मानन्धर व्यायाम मन्दिरले २५ औँ वसन्त पार गरेको अवसरमा भक्तपुरको पहिचान बोकेको धिमे बाजाको संरक्षण गर्ने उद्देश्यले धिमे प्रतियोगिता गर्न लागेको मन्दिरका सल्लाहकार रामकृष्ण मानन्धरले शुक्रबार रफत संञ्चार क्लब भक्तपुरमा पत्रकार सम्मेलन गर्दै जानकारी दिनुभयो ।
प्रतियोगितामा ४० टोलीको सहभागिता रहने कार्यक्रम संयोजक किशोर मानन्धरले जानकारी दिनुभयो ।उनले भने प्रतियोगीतामा प्रथम, द्धितिय, तृतिय र चौथो हुनेलाई धिमेका साम्रगीका साथै शिल्ड, मेडल र प्रमाणपत्रबाट पुरस्कृत गरिनेछ । उक्त प्रतियोगीतामा २ लाख ५८ हजार खर्च हुने आयोजकले जनाएको छ । सहभागी रहेका धिमे बाजका प्रतिस्पर्धीहरुलाई धिमेका पाँच बिद्याबाट निर्णय गरेर क्रमश बिजय घोषित गर्ने हीजाे पत्रकार भेटघाटमा जानकारी गराईएको थियो ।
