काठमाडौं २४भदाै०७४/ काठमाडौंबाट नुवाकोटतर्फ जाँदै गरेको बस टोखा छहरे सडकखण्ड अन्तर्गत शिवपुरी गाउँपालिकास्थित गुरुङ गाउँमा शनिबार मध्यान्ह दुर्घटना हुँदा ३ जनाको मृत्यु भएको छ ।
नुवाकोटका प्रमुख जिल्ला अधिकारी जगदीश राज बरालले ३ जनाको मृत्यु भएको पुष्टि गरे । उनका अनुसार ३ जना महिलाको शव भेटिएको छ ।
काठमाडौंबाट नुवाकोटको खरानीटारतर्फ जाँदै गरेको बा१ख ६३४८को बस दुर्घटनामा परेको बताउँदै उनले दुर्घटनामा २८ जना घाइते भएको र उनीहरुलाई उपचारका लागि काठमाडौं पठाइएको बताए । अहिले घटनास्थलमा प्रहरी र स्थानीयवासीले उद्दार कार्य जारी राखेका छन् । प्रजिअ बरालले जिल्लाबाट पनि थप प्रहरी टोली पठाइएको भन्दै सो टोली बाटोमै रहेको र उद्दार कार्यमा कुनै कसर बाँकी नराखिएको बताए ।
दुर्घटना के कारणले भयो भन्ने खुल्न बाँकी रहेको छ ।
प्रतिक्रिया दिनुहोस्
