नेपालगन्ज, १६ भदौ०७४ /राष्ट्रिय प्रजातन्त्र पार्टीका अध्यक्ष कमल थापाले राष्ट्रवादी शक्ति र आत्मसमर्पणवादी शक्तिको टकराव नेपालको राजनीतिमा अझै अन्त्य हुन नसकेको बताउनुभएको छ ।
सो दलको बाँके जिल्ला कार्यसमितिद्वारा आज आयोजित पत्रकार सम्मेलनमा उहाँले भन्नुभयो— “दुई चरणमा हुने भनिएको प्रतिनिधि सभा र प्रदेश सभाको निर्वाचनलाई आप्नो दलले उच्च महत्व दिएको छ ।”
पत्रकारद्वारा सोधिएको एक प्रश्नको जवाफमा उहाँले पार्टी फुट्नु दुःखद भए पनि यसलाई अवसरका रुपमा लिएका छौँ, पार्टीभित्रको आन्तरिक विवादलाई बहाना बनाएर पार्टी फुट्दै जाने हो भने कुनै पार्टी पनि टिक्न सक्दैनन् भन्नुभयो ।
अध्यक्ष थापाको थप भनाइ थियो—“आप्नो दलले हिन्दू राष्ट्र र राजतन्त्रको नारालाई नछाडेको र यही एजेण्डाका आधारमा पार्टी संगठन विस्तार गरिनेछ ।”
प्रतिक्रिया दिनुहोस्
