रमिला बस्नेत ,उदयपुर ,असार २४/उदयपुरको त्रियुगा नगरपालिका ५ स्थित गाईघाट कदमाहा सडक खण्डमा शनिबार टेम्पोबाट लडेर एक महिलाको मृत्यु भएको छ। त्रियुगा नगरपालिका ५ नं वडा कै ४५ वर्षीया सरस्वती चौधरीको मृत्यु भएको जिल्ला प्रहरी कार्यालय उदयपुरले जानकारी दिएको छ। बिहान ७ बजेतिर दुर्घटनामा परी गम्भीर घाइते भएकी सरस्वतीको न्युरो अस्पताल विराटनगरमा उपचारको क्रममा दिउँसो मृत्यु भएको जिल्ला प्रहरी कार्यालय उदयपुरका डिएसपी ओम राना मगरले बताए। दुर्घटनामा घाइते भएकी सरस्वतीकी सासु ५५ वर्षीया मन्जरी चौधरीको उपचार भइरहेको छ।
प्रतिक्रिया दिनुहोस्
