काठमाडौं, असार ७/ नेपाल एयरलाइन्सले भुटान एयरलाइन्सको विमान भाडामा लिने भएको खबर आजको कारोबार दैनिकमा छापिएको छ ।
निगमले भुटानी वायुसेवाको ए ३२० जहाज भाडामा लिन बुधबार छलफल गर्न लागेको प्रवन्ध निर्देशक सुगतरत्न कंसकारले जानकारी दिए ।
निगमले भाडामा लिन मागेको प्रस्तावमा भुटानको टासी ग्रुप अन्तर्गतको भुटान एयरलाइन्स र युक्रेनको टुवेल्भ स्टार एभिएसनअन्तर्गतको स्टार एयरलाइन्सले प्रस्ताव पेश गरेका थिए ।
तर, यी दुई प्रस्तावमा प्राविधिक र आर्थिक दुवैमा भुटान एयरलाइन्सको उपयुक्त पाइएकोले भुटानी वायुसेवाका प्रतिनिधिलाई बुधबार छलफलका लागि बोलाइएको कंसकारले बताए ।
प्रतिक्रिया दिनुहोस्
