काठमाडौं ११ जेठ०७४/ प्रमुख विपक्षी दल नेकपा एमालेले संसद अवरुद्ध गरेको छ । स्थानीय तहको संख्या बृद्धिको विरोधमा एमालेले संसद अवरुद्ध गरेको हो ।
एमालेले राष्ट्रपति विद्या भण्डारीलाई सरकारको नीति तथा कार्यक्रम पेश गर्न दिएको थियो । राष्ट्रपतिलाई विदा गर्न आधा घन्टाका लागि स्थगित भएको संसद बैठक पुनः सुरु भए लगतै एमालेले अवरोध गरेको हो ।बैठक सुरु भए लगतै एमाले सांसदहरुले आआफ्नो स्थानमा उठेर विरोध गरे । एमालेको अवरोधपछि संसद बैठक भोलि १ बजे सम्मका लागि स्थगित भएको छ । र, संसदले सरकारको नीति तथा कार्यक्रम पेश गरेकोमा राष्ट्रपतिलाई धन्यवाद दिन समेत पाएन ।
प्रतिक्रिया दिनुहोस्
