काठमाडौं२२बैशाख २०७४ / भूकम्पबाट अति प्रभावित चार जिल्लामा ब्रोडब्यान्ड इन्टरनेट उपलब्ध गराउन नेपाल टेलिकम र नेपाल दूरसञ्चार प्राधिकरणबीच सम्झौता भएको छ। बिहीबार भएको सम्झौता अनुसार ग्रामीण दूरसञ्चार विकास कोषको २१ करोड १६ लाख रुपैयाँ लागतमा काभ्रेपलाञ्चोक, सिन्धुपाल्चोक, रसुवा र नुवाकोट जिल्लामा टेलिकमले इन्टरनेट सुविधा पुर्याउनेछ। उपभोक्ताले दुई वर्षसम्म सो इन्टरनेट निशुल्क प्रयोग गर्न सक्ने सम्झौता भएको छ।
सम्झौतामा प्राधिकरणका तर्फबाट अध्यक्ष दिगम्बर झा र टेलिकमका तर्फबाट प्रबन्ध निर्देशक कामिनी राजभण्डारीले हस्ताक्षर गरेकी छन्। सम्झौता अनुसार टेलिकमले यी चार जिल्लामा जिएसएम, सीडीएमए र वाइम्याक्समध्ये सम्भव भएको प्रविधि अनुसार इन्टरनेट उपलब्ध गराउनेछ। औसत ५१२ केबीपीएसको गति हुने उक्त इन्टरनेट जडानका लागि आवश्यक उपकरण र मर्मत टेलिकमले उपलब्ध गराउने सम्झौतामा उल्लेख छ। ष्रामीण दूरसञ्चार विकास कोषमा रहेको रहेको रकमको सदुपयोग गरेर दूरसञ्ार पूर्वाधार विकास गर्ने उद्देश्यका साथ टेलिकमसँग सम्झौता गरिएको प्राधिकरण अध्यक्ष झाले बताए। गोरखापत्र
