रंन्जीता थापा, 
नेपालगन्ज १३ चैत्र ०७३/ कालीका सेक्युरिटिज प्रालिले (शेयर ब्राेकर नं ४६) आज अाइतवार देखी नेपालगञ्जमा सेयर किनबेच सेवा सुरु गरेको छ ।
नेपाल स्टक एक्सचेञ्ज लिमिटेडमा सूचीकृत कम्पनीहरूको सेयर खरिद तथा बिक्री गर्न सहज होस् भन्ने उद्देश्यले कालीका सेक्युरिटिज प्रालिले नेपालगञ्जमा सेयर ब्रोकर नं.४६ मार्फत् यो सेवा सुरु गरेको हो ।
नेपालगञ्जमा सेयर खरिद–विक्री सेवा सुरु भएपछि यस क्षेत्रका लगानीकर्ताहरुले लगानीको अवसर पाउनुका साथै बचत परिचालनबाट आर्थिक विकासमा थप टेवा पुग्ने भन्दै स्थानीय ब्यापारी हरूले खुशी ब्यक्त गरेका थीए ।
स्टक ब्रोकर एशोसियशनका निवर्तमान अध्यक्ष तथा कालिका सेक्युरिटिज प्रालिका प्रबन्ध सञ्चालक नरेन्द्रराज सिंजापतिले अब नेपालगन्जको न्यूरोडबाट नै सेयर खरिद–बिक्री गर्न सकिने कुरा बताउनु भयाे ।
नेपालगञ्जबाट सेयर खरिद–बिक्री सुरु भएपछि यस क्षेत्रको आर्थिक विकास र गतिविधिका लागि राम्रो अवसर मिलेको उद्योग ब्यबसायी र लगानीकर्ताहरुले बताएका छन् ।
