पुस १८, २०७३- भारत चौथो साफ महिला च्याम्पियनसिपको फाइनलमा प्रवेश गरेको छ । सोमबार भारतको सिलिगुडीस्थित कञ्चनजंगा स्टेडियममा भएको खेलमा भारतले नेपाललाई ३-१ ले हराउँदै फाइनल यात्रा पक्का गरेको हो ।नेपाल भने पहिलोपटक सेमिफाइनलबाटै बाहिरियकाे छ ।
खेलको ४४ औं मिनेटमा भारतकी कमलादेवीले गोल गर्दै खाता खोलेकी थिइन् । नेपालले गोल गर्ने केही राम्रा मौका पाएपनि मौका सदुपयोग भने गर्न सकेन ।खेलको ५९ औं मिनेटमा भारतीय खेलाडी इन्दूमतिले दोस्रो गोल गरिन् भने नेपालले ७५ औं मिनेटमा पाएको पेनाल्टीलाई सदुपयोग गर्दै १ गोल गर्यो ।यसैगरी भारतकी सस्मिता मल्लिकले तेस्रो गोल गरिन् र भारतले ३-१ को जित हात पार्यो ।नेपालको भारतसँगको यो सातौैंचोटी हार हो ।
प्रतिक्रिया दिनुहोस्
