एउटा करायो
जङियो
टेबल ठोक्यो
तिमीहरुलाई ठुला लागेका
मान्छे कि पोस्ट
भेदभाव गर्छौ किन
तिमीलाई लाग्छ निस्चित केही छ ?
गराउनु पर्छ
अजम्बरीको छ र
एक दिन मर्नुछ धनको साम्राज्य
बमले उडाउछ
बिचार जलाउने
तिमी सँग कुनै आगो छ ?
अर्कोले पाखुरा सुर्कियो
तैले भन्न खिजेको के
औंला ठडायर धम्काउन खोज्ने
पावर जुदाउने हो ?
को को भन्दा बलियो
तै मात्रै जान्ने सुन्ने
जीवन दर्शन सिकाउने
दुबै जना एक आपसमा आगो थिए
सुन्नेहरुले दुबैलाई तान तुन पारे
स्थिती साम्सुम पारे तर बिचार जलाउने कसै सँग आगो थिएन
प्रतिक्रिया दिनुहोस्
