रौतहट, चैत २८ । विभिन्न अपराधमा संलग्न फरार अपराधीहरूलार्इ पक्राउ गर्ने अभियान अन्तर्गत रौतहट प्रहरीले लामोसमय देखी फरार ३ जना अभियुक्तलाई पक्राउ गरेको छ ।
फरार अभियुक्त पक्राउ गर्ने अभियान सञ्चालनका लागि गत बिहीबार र शुक्रबार तीन अभियुक्तलार्इ पक्राउ गरिएको जिल्ला प्रहरी प्रहरी उपरीक्षक डा. गणेश रेग्मीले जानकारी दिए ।
यस अभियान अन्तर्गत प्रहरीले १६ वर्ष सजाय र दुईलाख रुपैयाँ जरीवाना सजाय तोकिएका फरार अपराधीलार्इ समेत पक्राउ गरेको छ ।
प्रहरीले ६ बर्षदेखी फरार बैरिया अभियुक्त शेख अदुदलाई पक्राउ गरेको हो । उनलार्इ जिल्ला अदालतले २०६६ चैत २८ गते मानव बेचबिखन तथा ओसारपसार मुद्धामा १६ वर्ष १० महिना १६ दिन कैद तथा दुईलाख रुपैयाँ नगद जरिवाना सजाय हुने ठहर गरेको थियो ।
प्रहरीले विशेष सूचनाको आधारमा निजलाई शुक्रबार राती घरैबाट पक्राउ गरेको हो । त्यसैगरी कर्तव्य ज्यान मुद्दका फरार अपराधी सखरअवा धमौरा ५ का पल्टन मन्सुरी तथा सोही ठाँउका आस महमदलाई समेत पक्राउ गरेको छ । उनीहरूलार्इ प्रहरीले गत बिहिवार राती पक्राउ गरेको प्रहरी उपरीक्षक रेग्मीले जानकारी दिए ।
