बसको छतमा यात्रु राखे पनि कारवाही,मोटर साइकलमा तीन जना बस्न नपाइने,

 काठमाडौं, पुस १३ –भारतको नाकाबन्दीका कारण इन्धन अभावमा कम गाडी चलेको भन्दै ट्राफिक प्रहरीले गएको असोजदेखि छतमा यात्रु चढाउन छुट दिएको थियो । मोटरसाइकलमा पनि ३ जनासम्म चढेर यात्रा गर्ने गरेका थिए । तर अहिले ७० देखि ७५ प्रतिशतसम्म गाडी चलेको भन्दै ट्राफिक प्रहरीले नियममा कडाई गरेको हो । ट्राफिक प्रहरीले नियम विपरित छतमा यात्रु राख्ने र मोटरसाइकलमा ३ जना बोक्ने चालकलाई जरिवाना गर्न थालेको छ ।

प्रहरीले क्षमताभन्दा बढी यात्रु नबोक्न पनि चालकहरुलाई आग्रह गरेको छ । काठमाडौं उपत्यकामा अन्य समयमा मोटरसाइकलसमेत गरेर दैनिक साढे आठ लाख सवारी साधान चल्ने गरेका थिए । अहिले नाकाबन्दीका करण इन्धन अभाव हुँदा पनि उपत्यकामा दैनिक ६ लाखसम्म गाडी चल्ने गरेका छन् ।