काठमाडौं, १२ पुस । बङ्गलादेशी नागरिक साहिद खान एक किलो अवैध सुनसहित त्रिभुवन अन्तर्राष्ट्रिय विमानस्थलबाट पक्राउ परेका छन् ।
मलेसियन एयरको एमएच ११४ नम्बरको उडानद्वारा क्वालालम्पुरबाट नेपाल आएका राहदानी नम्बर विसी ०४३६४४९ बाहक ३२ वर्षीय खानलाई शनिबार प्रहरीले पक्राउ गरेको हो ।
उनले कम्मरमा लुकाइछिपाई ल्याएको अवस्थामा १०० ग्रामको १० वटा टुक्रामा रहेको उक्त सुन प्रहरीले बरामद गरेको हो ।
यस सम्बन्धमा प्रहरीले आवश्यक अनुसन्धान गरिरहेको जनाएको छ । रासस
प्रतिक्रिया दिनुहोस्
