काठमाडौं, २ कात्तिक । उपप्रधानमन्त्री तथा परराष्ट्रमन्त्री कमल थापा र भारतीय प्रधानमन्त्री नरेन्द्र मोदीबीच भेटवार्ता भएको छ ।
सोमबार नयाँदिल्लीमा भएको भेटवार्तामा करिब एक महिनादेखि जारी नाकाबन्दी खोल्न थापाले आग्रह गरेपनि मोदीले भने कुनै स्पष्ट जवाफ नदिएको श्रोतले जनाएको छ । नाकाबन्दीपछि विग्रिएको नेपाल भारत सम्बन्ध सुधार गरि आवागमन सहज बनाउने उद्देश्यले दिल्ली पुगेका थापाले आवागमन सहज बनाउन भारत सकारात्मक रहेको प्रतिक्रिया दिएका छन् । भेटघाट कार्यक्रममा भारतका लागि नेपाली राजदूत दीपकुमार उपाध्याय, नेपालका लागि भारतीय राजदूत रञ्जित रे लगायतको सहभागिता थियो। परराष्ट्रमन्त्री थापा आजै स्वदेश फर्किंदैछन्।
प्रतिक्रिया दिनुहोस्
